Ang Mahimalang Panalangin Kay San Judas Tadeo

Sa ngalan ng Ama at ng Anak at ng Espiritu Santo. Amen.

Aking butihing Ama, sa ngalan ng iyong pinakamahal na anak, ang aking Panginoong Hesukristo, at sa mahimalang pamamagitan ng aking ginagalang na Patron, San Judas Tadeo, dumudulog ako sa iyong harapan at nagnanais na madama ang iyong banal na presensya. Buong pagpapakumbaba akong lumalapit sa iyo

Kasabay ng aking pagtawag sa tulong ni San Judas Tadeo, ang patron ng mga nawawalan ng pag-asa at mga imposibleng bagay. Buo ang aking pananampalataya na sa kanyang tulong. Diringgin mo o aking butihing Ama ang aking mga daing at panalangin.

San Judas de Dios, kinikilala kita bilang apostol at martir na nanatiling matatag sa iyong pagtitiwala sa Panginoon. Ibaling mo ang iyong paningin na sa akin na labis na nangangailangan ng iyong tulong at mga panalangin. Sa gitna ng matinding pangangailangan at pagsubok, nananatili akong puno ng pag-asa.

Dahil alam ko na sa tulong ng iyong mga panalangin, magiging posible ang mga imposible at mananatili ang liwanag ng ating Panginoon sa gitna man ng aking mahirap na kalagayan.

San Judas Tadeo, nasaksian mo ang kapangyarihan ng pag-ibig at awa ni Jesus. Nakita mo siyang nagpagaling ng may sakit, bumuhay ng patay, at gumawa ng hindi mabilang na mga himala. Nakikiusap ako sa iyo na mamagitan para sa akin upang maranasan ko ang mga himala ng ating Panginoon.

Idulot nawa ng iyong panalangin ang kagalingan sa aking mga pisikal na karamdaman. Aluin mo ang aming mga nalulumbay na puso at ibalik ang sigla ng aking relasyon sa aking kapwa. O patron ng mga nawawalan ng pag-asa, sa oras ng pag-aalinlangan at kawalan ng pag-asa, dumudulog ako sa iyo.

para sa patnubay at lakas. Ipinakita mo na kahit sa pinakamalungkot na sandali, kaya malampasa ng pananampalataya ang lahat ng balakid at pagsubok sa buhay. Tulungan mo akong tuklasin muli ang pananampalatayang puspusang pinanindigan mo. At bigyan ako ng lakas ng loob na tiisin ang aking mga pagsubok ng may hindi natitinag na pagtitiwala sa dakilang plano ng Diyos. San Judas taDeo, hinihiling ko ang iyong tulong sa aking mga materyal na pangangailangan. Alam mo ang mga pasanin na nagpapabigat sa aking kalooban. Nagtitiwala ako sa iyong pamamagitan upang matanggap ko at upang pagaanin ang mga pasanin na nagpapahirap sa akin. O maluwalhating san judas tadeo, ipagkaloob mo sa akin ang mga espiritual na pagpapalang aking inaasam. Palakasin mo ang aking pananampalataya. Palalimin mo nawa ang aking pagmamahal sa Diyos.

at tulungan mo nawa akong umunlad sa kabutihan. Akayin mo ako sa landas ng katuwiran at kabanalan upang mamuhay akong kalugud-lugud sa Diyos. Bigyan mo kami ng inspirasyon na maging instrumento ng kanyang kapayapaan at tagapagpalaganap ng kanyang pag-ibig sa mundong ito.

Nanikluhod ako sa iyo, O san judas tadeo, na bigyan ako ng agarang lunas mula sa kagipitang aking nararanasan. Nagtitiwala akong ihaharap mo ang aking mga kahilingan sa harap ng trono ng Diyos upang ang Kanyang banal na awa ay aking madama at makapagdala ng mga himala sa aking buhay.

Sa iyong tulong o aking patron, naway makatagpo ako ng kaaliwan, pag-asa at katuparan ng aking pinakamimithing biyaya. O san judas tadeo, nagtitiwala ako sa iyong taos pusong pananalig kay Kristo, at naniniwala ako na sa pamamagitan ng iyong makapangyarihang panalangin. Walang imposible.

O kabanalbanalang apostol San Judas Tadeo, tapat na lingkod at kaibigan ni Jesus, dahil kay Eskariyote na nagkanulo sa iyong mahal na panginoon, ay nakalimutan ka ng marami, ngunit ikaw ay kinikilala ng simbahan at pinararangalan bilang pintakasi ng walang pag-asa.

Ipanalangin mo ako na isang kalunos-lunos na makasalanan. Gamitin ang iyong karangalan at kapangyarihan upang dulutan ng lunas at awa ang mga dumudulog sa iyo. Saklolohan mo ako sa mahigpit kong pangangailangan upang matamo ang kalinga at aliw ng langit. Sa lahat kong mga hilahil, Hapis at tiisin lalo na ang aking hinihiling ngayon….

Banggitin ang kahilingan…

Pasasalamatan ko ang Diyos na kasama mo at ng mga Santo at Anghel sa langit, magpakailanman. Ipinangangako ko o san judas tadeo, na lagi kong gugunitain ang biyayang ito, at kailanman ay hindi ako titigil sa pagpaparangal sa iyo, bilang aking tangi at makapangyarihang Patron, at sisikapin kong akitin ang iba na mamintuho sa iyo.

Alang-alang kay Kristong aming Panginoon. Amen.

San Judas tadeo, ipanalangin mo kami at lahat ng dumudulog sa iyo.

San Judas tadeo, huwaran sa kababaang loob, salamin ng pagtitiis, liriyo ng kalinisan, alab ng pag-ibig ng Diyos, ipanalangin mo kami.

San Judas tadeo, aliw ng mga nalulumbay, takbuhan ng mga makasalanan, saklolo ng mga nahihirapan, tanging pintakasi ng mga walang pag-asa, ipanalangin mo kami.

Sa ngalan ng Ama at ng Anak at ng Espiritu Santo. Amen.

San Judas Tadeo

Podcast

Introduction

40 sec • 16 Oct 2024

Maikling Talambuhay

1 min 16 sec • 16 Oct 2024

Ang Mahimalang Panalangin Kay San Judas Tadeo

7 min 38 sec • 16 Oct 2024